Boethius, De institutione arithmetica libri duo · De institutione musica libri quinque, ed. Gottfried Friedlein (Leipzig: Teubner, 1867) — read from page images, with the critical apparatus separated from the text

INST. MUS, I, 1. 185 adulescentem Tauromenitanum subphrygii modi sono inci- tatum spondeo succinente reddiderit mitiorem et sui com- potem ? Nam cum scortum in rivalis domo esset clausum atque ille furens domum vellet amburere, cumque Pytha- goras stellarum cursus, ut ei mos, nocturnus inspiceret, 5 ubi intellexit, sono phrygii modi incitatum multis amico- rum monilionibus a facinore noluisse desistere, mutari modum praecepit atque ita furentis animum adulescentis ad statum mentis pacatissimae temperavit. Quod scilicet Marcus Tullius commemorat in eo libro, quem de consi- 19. . liis suis composuit, aliter quidem, sed hoc modo: ,,Sed ut aliqua similitudine adductus maximis minima conferam, ut cum vinolenti adulescentes tibiarum etiam cantu, ut fit, instincti mulieris pudicae fores frangerent, admo- nuisse tibicinam ut spondeum caneret Pythagoras dicitur. 15 Quod cum illa fecisset, tarditate modorum et gravitate canentis illorum furentem petulantiam consedisse.** Sed ut similia breviter exempla couquiram, Terpander atque Arion Methymneus Lesbios atque lones gravissimis mor- bis cantus eripuere praesidio. lsmenias vero Thebanus 20 Boetiorum pluribus, quos ischiadici doloris tormenta vexabant, modis fertur cunctas abstersisse molestias. Sed et Empedocles, cum eius hospitem quidam gladio furibundus invaderet, quod eius ille patrem accusatione damnasset, inflexisse modum dicitur canendi itaque adu- 25 lescentis iracundiam temperasse. In tantum vero priscae philosophiae studiis vis musicae artis innotuit, ut Pytha- .. gorici, cum diurnas in somno resolverent curas, quibus- dam cantilenis uterentur , ut eis lenis et quietus sopor it-